Atyraý oblysynda 5,6 shaqyrym aınalma jol qurylysy aıaqtaldy
«Jol aktıvteri ulttyq sapa ortalyǵy» RMK Atyraý oblystyq fılıalynyń ınjeneri Qýanyshbek Shortabaevtyń aıtýynsha, Maqat aýdanyndaǵy Dossor kentiniń tusynda 5,6 shaqyrym aınalma jol salynǵan.
«Buryn Aqtóbeden kele jatqan kólik Atyraýǵa barý úshin Dossor kenti arqyly ótetin edi. Ásirese, júk kólikteri kent arqyly ótip, jol qozǵalysyna qıyndyq týdyratyn edi. Sol sebepten, byltyr aınalma 5,6 shaqyrymdyq aınalma joldyń qurylysy bastaldy. Respýblıkalyq mańyzy bar jolǵa «QazAvtojol» AQ tapsyrys berdi. Jol qurylysyn «AntInShaat MadenSanaııASh» merdiger mekemesi júrgizdi. Fılıal zerthanasyna qurylys materıaldarynan synama jáne kern keskinderi alyndy. Endi jaqyn kúnderi aınalma jolǵa jaryq shamdary, jol belgileri ornatylady. Bul aınalma jol paıdalanýǵa berilgen kezde Aqtóbeden shyqqan jeńil jáne júk kólikteri Dossor kentine kirmeı, Atyraýǵa baratyn jolǵa tike shyǵýyna múmkindik bar», - deıdi Qýanyshbek Shortabaev.
Eske sala ketelik, buǵan deıin Atyraýdan Reseıge shyǵatyn joldy jóndeý qalaı júrip jatqanyn jazǵan bolatynbyz.
