Atyraý oblysynda 48 jastaǵy er adam sýǵa ketti
ATYRAÝ. QazAqparat – Atyraý oblysynyń Qyzylqoǵa aýdanynda 48 jastaǵy er adam sýǵa batyp ketti. Bul - sońǵy 10 kúndegi úshinshi oqıǵa, dep habarlaıdy QazAqparat.
Tótenshe jaǵdaılar departamentiniń habarlaýynsha, keshe, 11 maýsymda keshki saǵat 18:07-de Mııaly aýylynan 25 shaqyrym jerdegi Oıyl ózeninde 1972 jyly týǵan er adamdy izdeý jumysy bastalǵan.
Sońǵy málimet boıynsha, ol arnaıy jabdyqtalmaǵan jerde shomylyp, sýǵa batyp ketken.
Іzdestirýge tótenshe jaǵdaı qyzmetiniń 5 qyzmetkeri, 1 tehnıka men jergilikti turǵyndar jumyldyryldy.
«Keshe keshki saǵat 19.30-da sýǵa batyp ketken adamnyń denesi tabylyp, jaǵaǵa shyǵaryldy» dep habarlady departamenttiń baspasóz qyzmeti.
Eske sala keteıik, Atyraýda joǵalyp ketken balanyń denesi Jaıyqtan tabylǵanyn habarlap edik.
