Atyraý oblysynda 467 mln teńge jymqyrǵan mekeme basshylarynyń isi sotqa joldandy

NUR-SULTAN. QazAqparat - Atyraý oblysynda áleýmettik nysandardyń qurylysyna bólingen 467 mln teńge bıýdjet qarajatyn jymqyrǵan mekeme basshylarynyń isi sotqa joldandy, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.

«Qarjylyq monıtorıng agenttigi Atyraý oblysy boıynsha departamentiniń ókilderi áleýmettik nysandardyń, mektep, 2 otbasylyq dárigerlik ambýlatorııa, sporttyq-saýyqtyrý kesheni qurylysyna bólingen asa iri mólsherdegi bıýdjet qarajatyn jymqyrý deregimen «Atyraý oblysy Qurylys basqarmasy» MM-nyń laýazymdy tulǵalary men «Tehnıka-Rem stroı» JShS-nyń basshysyna qatysty sotqa deıingi tergep-tekserý jumystaryn aıaqtap, is sotqa joldandy», delingen habarlamada.

Jymqyrylǵan qarjy kólemi 467 mln teńge.

JShS-nyń basshysyna qatysty «kúzetpen ustaý» bultartpaý sharasy qoldanyldy. Seriktekstiktiń 79 mln teńge kólemindegi múlkine tyıym salyndy.

Al, Atyraý oblysy qurylys basqarmasy basshysynyń burynǵy orynbasaryna jáne de taǵy da bir tapsyrysshyǵa qatysty «úıqamaqta ustaý» bultartpaý sharasy qoldanyldy.