Atyraý oblysynda 409 949 saılaýshy 261 saılaý ýchaskesinde daýys beredi
Atyraý oblystyq aýmaqtyq saılaý komıssııasynyń málimetine súıensek, 261 saılaý ýchaskesi qurylǵan. Onyń ishinde 11 jabyq ýchaske bar. Ýchaskelik saılaý komıssııalarynyń quramyna 1966 múshe engizilgen.
«Atyraý oblysynda ýchaskelik saılaý komıssııalary músheleriniń quramyna saıası partııalardan 1306 (66,43%), qoǵamdyq birlestikterden 660 (33,57%) adam usynyldy. Saılaý komıssııalarynyń músheleri arnaıy oqytý semınaryna qatysyp, sertıfıkat aldy. Saılaýshylar Telegram kanalynyń SailauAtyrauBot chaty, ınternet saıt arqyly qaı saılaý ýchaskesinde tirkelgeni jóninde aqparat ala alady. Saılaý kúni daýys beretin saılaýshylardyń tizimi naqtylanyp, saılaý ýchaskelerine jiberildi. Qazir saılaýshylardyń sany 409 949 adamdy qurady. Onyń ishinde ózge oblystardan óz ótinishine sáıkes tizimge engizilgen 12 956 saılaýshy bar», -dep aqparat taratty aýmaqtyq saılaý komıssııasynan.
Saılaý ýchaskeleriniń 165-de saılaýshylardyń turǵylyqty meken-jaıy boıynsha izdeýi, Atyraý qalasyndaǵy 5 saılaý ýchaskesinde turaqty tirkeýsiz saılaýshylar úshin servıstik qyzmet júzege asyrylady. Azamattarǵa tıisti saılaý komıssııalarynyń úı-jaılarynda saılaýshylar tizimimen tanysý, sondaı-aq, olarǵa engizilgen saılaýshylar jónindegi derekterdiń durystyǵyn tekserý múmkindigi berilgen.
Atyraý oblysynda 15 qarashadaǵy málimetke sáıkes kandıdattardyń senim bildirgen 784 ókili tirkelgen. Sondaı-aq, EQYU-nyń 2 halyqaralyq baıqaýshysy kelgen.
Al, H.Dosmuhamedov atyndaǵy Atyraý ýnıversıtetiniń bazasynda halyqaralyq baıqaýshylarǵa járdemdesý ortalyǵy ashylǵan.
