Atyraý oblysynda 40 myńǵa jýyq adam vaktsına saldyrdy
ATYRAÝ. QazAqparat – Atyraý oblysynda 40 myńǵa jýyq adam vaktsına saldyrdy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetinen málim etkendeı, 3 kúnde – 8, 9, 10 mamyrda 1 690 adam koronavırýs ınfektsııasyna qarsy «Spýtnık V» jáne «Qazvac» vaktsınalarynyń І komponentin saldyrǵan.
Atyraý oblysynda 1 aqpan men 10 mamyr aralyǵynda koronavırýsqa qarsy vaktsınanyń І komponentin saldyrǵandardyń sany 39 878 adamǵa jetti.
«Al, ІІ komponentti 14 116 adam aldy» dep habarlady basqarmanyń baspasóz qyzmeti.
Qazir óńirde vaktsına saldyrý úshin 36 statsıonarlyq, 10 jyljymaly beket ashylǵan.
