Atyraý oblysynda 4 mln teńge para alǵan tergeýshi jazalandy
ATYRAÝ. QazAqparat - Atyraý oblysy Inder aýdany ІІB tergeýshisine aıyppul salynyp, múlki tárkilendi, dep habarlaıdy QazAqparat tilshisi.
«Sotqa deıingi tergeý kezinde anyqtalǵandaı, Inder aýdany ІІB aǵa tergeýshisin sybaılas jemqorlyqqa qarsy is-qımyl departamentiniń qyzmetkerleri para alǵany úshin ustaǵan. Oǵan parany ulynyń ústinen qozǵalǵan isti jaýyp, toqtatyp berýin suraǵan er adam bergen», - dep habarlaıdy oblystyq sottan.
Osylaısha burynǵy polıtsııa qyzmetkerine 4 mln teńge aıyppul salynyp, onyń múlki tárkilendi.
