Atyraý oblysynda 4 750 bala «Pfizer» vaktsınasyn saldyrǵan
Atyraý oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, koronavırýs ınfektsııasyna qarsy vaktsına saldyrǵan adamdardyń sany – 365 760 adam. Osy kezge deıin vaktsınalardyń І komponentin saldyrǵan adamdardyń sany 271 222 adam (74,1%) alǵan. Al, II komponentin 258 796 (70,7%) ektirgen.
«Atyraý oblysynda revaktsınatsııalaý tizimine 215 766 adam engizildi. Bıylǵy maýsym aıyna deıin 77 611 (35,97%) adam revaktsınalaýdan ótti. «Pfizer» vaktsınasyn alatyndardyń tizimine 65 086 adam bar. Qazir atalǵan vaktsınanyń I komponenti 15 393 adamǵa, al, II komponenti 10 586 adamǵa egildi. Onyń ishinde І komponentti saldyrǵan 406 júkti, 3 497 bala emizetin áıel, 4 750 bala, 4 504 ózge sanattaǵy adam bar. Bul vaktsınanyń ІІ komponentin 370 júkti, 3 226 bala emizip otyrǵan áıel, 4 086 bala, 2 098 ózge adamdar aldy. Vaktsınanyń eki komponetin 3 042 revaktsınatsııa maqsatynda saldyrdy», -dep málim etti Ashan Baıdýálıev.
Onyń aıtýynsha, «Pfizer» vaktsınasyn kez-kelgen adam tegin alýyna bolady. Aýrýhanaǵa jatqyzylatyn naýqastardan PTR-test pen vaktsına kýáligi suratylady.
Eske sala ketelik, budan buryn referendým kúni Atyraýda 33 náreste ómirge kelgenin https://kaz.inform.kz/news/referendum-kuni-atyrauda-33-nareste-omirge-keldi_a3941138 jazǵan bolatynbyz.
