Atyraý oblysynda 362 boryshker alımentin tólemeı júr
ATYRAÝ. QazAqparat – Atyraý oblysynda 362 boryshker alımentin tólemeı júr, dep habarlaıdy QazAqparat.
Atyraýda polıtseıler men jeke sot oryndaýshylary birlesken reıd ótkizip, boryshyn tólemeı júrgenderdi anyqtady. Mundaı birlesken reıd 1 qazanǵa deıin jalǵasady.
«Bizge óńir sottarynan aıyppul óndirý týraly 24 myńnan astam qaýly tústi. Qazirge deıin 12 myń 600 qaýlynyń talaby oryndaldy. Qalǵan 11 myń 700 qaýlyny oryndaý úshin tıisti jumys atqarylyp jatyr. Al, alıment óndirýge qatysty sottyń 7 635 qaýlysy shyqqan. Onyń ishinde 362 qaýlyǵa baılanysty boryshkerlerdi izdeý, olardyń ıeligindegi múlikteri anyqtaý qolǵa alyndy», - deıdi jeke sot oryndaýshysy Meıram Kókatov.
Eske sala ketelik, buǵan deıin Atyraýda 12 mln teńge aıyppuly tólenbegen kólikpen júrgen áıel ustalǵan bolatyn.
