Atyraý oblysynda 31 myńnan astam adam vaktsına saldyrdy
ATYRAÝ. QazAqparat – Atyraý oblysynda 31 myńnan astam adam vaktsına saldyrdy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti taratqan aqparatqa súıensek, bıylǵy 1 aqpanynan beri «Spýtnık V», «QazVac» vaktsınalarynyń 63 700 dozasy jetkizilgen. Vaktsına saldyrý úshin 36 statsıonarlyq, 10 jyljymaly egý beketi ashylǵan.
«Atyraý oblysynda koronavırýs ınfektsııasyna qarsy vaktsınalardyń I komponentin 31 690 adam saldyrdy. Al, II komponenti 8612 adamǵa egildi. Sońǵy úsh kúnde – 1, 2 jáne 3 mamyrda vaktsınany 3 056 adam aldy» -dep habarlady basqarmanyń baspasóz qyzmetinen.
Eske sala ketelik, budan buryn Atyraýda mereke kúnderi vaktsınalaý beketteri jumys isteıtinin habarlaǵan bolatynbyz.
