Atyraý oblysynda 300 oryndyq sport kesheni ashyldy

ATYRAÝ. QazAqparat – El táýelsizdiginiń 30 jyldyǵyna oraı Atyraý oblysynda 300oryndyq sport kesheni ashyldy, dep habarlaıdy QazAqparat.

Inder aýdanynyń ákimi Meıirim Qalaýıdiń aıtýynsha, Órlik aýylyndaǵy jańa nysannyń qurylysy byltyr bastalǵan. Eki qabatty sport kesheniniń jalpy aýdany 896,2 sharshy metrdi quraıdy.

«El táýelsizdiginiń 30 jyldyq mereıtoıy qarsańynda ashylǵan bul nysan buqaralyq sportty damytyp, salamatty ómir saltyn qalyptastyrý maqsatyn kózdeıdi. Zamanaýı standartqa saı salynǵan sport kesheni qajetti qural-jabdyqtarmen tolyq jabdyqtaldy.

Munda bir mezgilde 300 jasóspirimniń sporttyń 5 túrimen, atap aıtqanda, dzıýdo, qazaq kúresi, basketbol, voleıbol, jeńil atletıkamen aınalysýyna barynsha jaǵdaı jasaldy.

Sport kesheniniń janynda fýtbol alańy bar», - deıdi aýdany ákimi.

Aýyldyń sportqa beıim jas órenderin aldaǵy qyrkúıekten bastap jańa sport keshenine qabyldaý kózdelip otyr.