Atyraý oblysynda 300-den astam adam revaktsınatsııadan ótti
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, bıylǵy 1 aqpannan beri Covid-19-ǵa qarsy vaktsınalardyń І komponentin 250 myń 220 adam saldyrǵan. Al, vaktsınalardyń ІІ komponentin alǵandar sany 230 myń 539 adamǵa jetken.
«Atyraý oblysynda koronavırýs ınfektsııasynan qorǵaý úshin qaıta vaktsınalaý jalǵasyp jatyr. Osyǵan oraı 23 qarashadan beri jergilikti 312 turǵyn qaıta vaktsınalaýdan ótti. Qazir óńirde qaıta vaktsınalaýdan ótetin adamdardyń jalpy sany 2286 adamdy qurap otyr. Olar – bıylǵy 1-28 aqpan aralyǵynda «Spýtnık – V» vaktsınasyn alǵan adamdar. Osy sanatqa 8 salanyń ókilderi kiredi. Olar – medıtsına salasynyń qyzmetkerleri men muǵalimder, polıtseıler, stýdentter men arnaıy mekemelerdiń, quqyq qorǵaý organdarynyń qyzmetkerleri, memlekettik qyzmetshiler men sozylmaly syrqaty bar adamdar» -dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda 224 adamǵa vaktsınanyń úshinshi dozasy salynǵan edi.
