Atyraý oblysynda 30 jastaǵy jigit sýǵa batyp ketti
ATYRAÝ. QazAqparat – Atyraý oblysynyń Jylyoı aýdanyndaǵy Jem ózenine 30 jastaǵy jigit batyp ketti, dep habarlaıdy QazAqparat.
Oblystyq Tótenshe jaǵdaılar departamentiniń habarlaýynsha, oqys oqıǵa 4 maýsymda Jylyoı aýdanynda bolǵan. Týysqandarymen birge serýenge shyqqan jigit aýdan ortalyǵy –Qulsary qalasynan 10 shaqyrym jerdegi Jem ózeniniń jaǵasynda demalǵan. Alaıda, ol arnaıy jabdyqtalmaǵan jerde shomylyp, sýǵa batyp ketken.
«Bul týraly habar Tótenshe jaǵdaılar departamentine 4 maýsymda keshki saǵat 18:44-te tústi. Sýǵa batqan jigitti izdestirýge jedel-qutqarý jasaǵynyń 4 qyzmetkeri men 2 tehnıka jumyldyryldy. Saǵat 19:55-te sýǵa ketken jigittiń denesi shyǵaryldy» -dep habarlady departamenttiń baspasóz qyzmeti.
