Atyraý oblysynda 3 jasar qyzdan koronavırýs anyqtaldy
ATYRAÝ. QazAqparat –Atyraý oblysynda úsh jasar qyz koronavırýs juqtyrdy, dep habarlaıdy QazAqparat.
Óńirlik jedel shtabtyń habarlaýynsha, ótken táýlikte qaýipti indetke 12 adam shaldyqqan. Onyń ishinde 9 naýqas –Teńiz kenishiniń jumysshylary.
«Taǵy úsh naýqastyń biri –Isataı aýdanynda turatyn 3 jasar qyz. Sondaı-aq, Qulsary qalasynyń 53 jastaǵy jáne Atyraý qalasynyń 24 jastaǵy turǵyndarynan koronavırýs ınfektsııasy anyqtaldy. Naýqastardyń bári algorıtmge sáıkes em qabyldaýda. Olarmen baılanysta bolǵandar men indet oshaǵy anyqtalyp jatyr» -dep habarlady jedel shtabtan.
Búgin Atyraýda koronavırýs ınfektsııasymen 891 adam tirkeldi. Jazylyp shyqqandar 226 adamǵa jetti.
Aıta ketsek, Atyraýda karantın 8 maýsymǵa deıin sozyldy , Isataı aýdanynda koronavırýstyń jańa oshaǵy tabylyp, Sondaı-aq, eki kent karantınge jabyldy .
