Atyraý oblysynda 3 myńnan astam adam vaktsına saldyrdy
ATYRAÝ. QazAqparat – Atyraý oblysynda 3 myńnan astam adam koronavırýsqa qarsy vaktsına saldyrdy, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, búginge deıin «Spýtnık V» vaktsınasyn alǵandar adamdar sany 3 166-ǵa jetken. Onyń ishinde 1 550 medıtsına qyzmetkeri, 1 275 pedagog pen 341 polıtseı bar.
«Atyraý oblysyna 3 600 «Spýtnık V» vaktsınasy jetkizildi. Qazir vaktsınanyń 3207 dozasy egildi. Vaktsınatsııalaý nysandarynda áli 391 doza bar», - dep habarlady basqarmanyń baspasóz qyzmetinen.
Eske sala ketelik, budan buryn Atyraý oblysynda 6 kúnde 721 pedagog vaktsına alǵanyn jazǵan bolatynbyz.
