Atyraý oblysynda 3 mlrd teńgelik jańa jylyjaıdyń birinshi kezeńi ashyldy
Jańa jylyjaı Mahambet aýdanyndaǵy Aqjaıyq aýyldyq okrýginde ornalasqan. Onyń aýmaǵy – 4 gektar. Jylyna 1600 tonna ónim jınalady.
«Atyraý oblysynda buryn-sońdy bolmaǵan jylyjaı kesheni ashyldy. Bul joba Memleket basshysy Qasym-Jomart Toqaevtyń shaǵyn jáne orta bıznesti qoldaý týraly tapsyrmasy aıasynda qolǵa alyndy. Eń basty maqsat – azyq-túlik qaýipsizdigin qamtamasyz etý», -dedi oblys ákimi Serik Shápkenov.
«Jumaǵalıeva N.M» sharýa qojalyǵy iske asyrǵan jobanyń jalpy quny 3 mlrd teńgeden astam qarjyny quraıdy. Qazir úsh bloktan turatyn jylyjaı kesheniniń birinshi kezeńi iske qosyldy.
«Jylyjaıda kesheninde 60-tan astam adam jumys isteıdi. Onyń ishinde 40-tan astam jergilikti turǵyn bar. Olar jylyjaıdan jylyna 900 tonna qyzanaq, 700 tonna qııar jınaıdy. Qyzanaqtyń gollandyq «Merlice» dep atalatyn sorty táýligine 6 tonna, qııardyń gollandyq «Golden» sorty táýligine 7 tonna ónim beredi. Toǵyz aıda ár óskinnen táýligine 18 keli ónim alý josparladyq», -deıdi sharýa qojalyǵynyń jetekshisi.
Keshen jumysy avtomattandyrylǵan. Tamshylatyp sýarý ádisimen tyńaıtqysh ertindiler túrinde beriledi. Sondaı-aq, jylyjaı kesheniniń aýmaǵyn 16 gektarǵa ulǵaıtý, úı janýarlaryn, qus pen balyq túrlerin ósirýdi qolǵa alý josparlanǵan.
Eske sala ketelik, buǵan deıin Atyraý oblysynda 1,4 mlrd teńgeniń jyjyjaıy salynyp jatqanyn habarlaǵan bolatynbyz.