Atyraý oblysynda 278 medıtsınalyq kadr jetispeıdi - ákim
ATYRAÝ. QazAqparat - Atyraýda medıtsınalyq kadr jetispeýshiligi bar. Bul týraly Atyraý oblysynyń ákimi Mahambet Dosmuhambetov málim etti, dep habarlaıdy QazAqparat oblystyq kommýnıkatsııalar qyzmetine silteme jasap.
Atap aıtqanda, oblysta tájirbıeli dáriger, anestezıolog - reanımatolog, akýsher - gınekolog, ınfektsıonıst jáne epıdımıolog syndy 278 maman jetispeıdi.
Onlaın brıfıngte aımaq basshysy máseleniń sheshimin aıtty.
«Qazirgi ýaqytta atalǵan máseleni sheshý úshin birqatar jumystar júzege asýda. Naqtyraq aıtqanda, Reseıden Atyraý óńirine mamandar tartý jaǵyn qarastyryp jatyrmyz. Sonymen qatar, bıyl oqý bitiretin jas mamandardy óńirge tartý úshin jumystar atqarylýda», - deıdi Mahambet Dosmuhambetov.
