Atyraý oblysynda 27 sheteldik ruqsatsyz jumys istegen
ATYRAÝ. QazAqparat – Atyraý oblysynyń Jylyoı aýdanynda 27 sheteldik ruqsatsyz jumys istegen, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, respýblıkalyq «Mıgrant» jedel profılaktıkalyq is-sharasy ótip jatyr.
«Respýblıkalyq is-sharanyń alǵashqy kúninde Jylyoı aýdandyq polıtsııa bóliminiń qyzmetkerleri Qulsary qalasyndaǵy qurylys nysanyndarynda tekserý júrgizdi. Tekserý kezinde jergilikti atqarýshy organnyń ruqsatyn almaı, zańsyz eńbekke tartylǵan Ózbekstan Respýblıkasynyń 27 azamaty anyqtaldy» -dep habarlady departamenttiń baspasóz qyzmetinen.
Zańsyz jumys istegen sheteldikterge qatysty QR Ákimshilik quqyqbuzýshylyq Kodeksiniń 517-babynyń 5-bólimimen ákimshilik is qozǵalyp otyr. Qazir is qujattary jınaqtalyp jatyr.
Eske sala ketsek, buǵan deıin Atyraý oblysynda 24 sheteldik elden májbúrli túrde shyǵarylǵan habarlaǵan bolatynbyz.
