Atyraý oblysynda 27 adam qar qursaýynan qutqaryldy
ASTANA. 16 aqpan. QazAqparat - 15 aqpan kúni, saǵat 20.30-da Atyraý oblysynyń Jylyoı aýdanynda TJD-nyń kezekshisine «Atyraý-Dossor-Beıneý» kúre jolynyń 15-inshi shaqyrymynda 25 adam men 5 tehnıka, sonymen qatar «Masabaı» ken ornynan 35 shaqyrym jerde 2 adam men 1 tehnıka qar qursaýynda qalyp qoıǵandyǵy týraly habar kelip tústi.
Bul týraly QR TJM-nyń baspasóz qyzmetinen habarlady.
Jylyoı aýdanynyń «Órt sóndirý jáne apatty qutqarý jumystarynyń qyzmeti» MM-niń (jeke quramynyń 3 adamy jáne 1 tehnıkasy) kómegimen adamdar men kólikter qutqaryldy. Zardap shekkender joq.
