Atyraý oblysynda 267,4 myń adam vaktsına saldyrdy

ATYRAÝ. QazAqparat – Atyraý oblysynda 267 myńnan astam adam vaktsına saldyrdy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, byltyrǵy 1 aqpannan beri vaktsınalardyń I komponentin 267 490 adam saldyrdy. Al 251 960 adam vaktsınalardyń II komponentin ektirgen.

«Óńirde 20 qarashada bastalǵan Pfizer ekpesin saldyrý jalǵasyp jatyr. Osy kezge deıin bul vaktsınany alǵandar sany 6 514 adamǵa jetti. Onyń ishinde 12-18 jas aralyǵyndaǵy 3 537 jasóspirim, bala emizip otyrǵan 2 674 ana men 303 júkti áıel bar. Sondaı-aq, byltyrǵy 23 qarashadan beri 34 596 adam qaıta vaktsınalaýdan ótti», - dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysynda 6 262 adam Pfizer vaktsınasyn saldyrǵanyn jazǵan edik.