Atyraý oblysynda 265 myń adam koronavırýsqa qarsy vaktsına aldy

ATYRAÝ. QazAqparat – Atyraý oblysynda 265 myń adam vaktsınanyń І komponentin saldyrdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, byltyrǵy 1 aqpannan beri vaktsınalardyń І komponentin saldyrǵandar sany 265 myń 166 adamǵa jetken.

«COVID-19 ınfektsııasyna qarsy vaktsınalardyń II komponentin 247 927 adam ektirdi. Al, byltyrǵy 20 qarashadan bastalǵan Pfizer ekpesin salǵandar 5 402 adam saldyrdy. Onyń ishinde 12-18 jas aralyǵyndaǵy 2 790 jasóspirim, bala emizip otyrǵan 2 358 ana men 254 júkti áıel bar. Sondaı-aq, revaktsınalaýdan 25 673 adam ótti», -dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda Pfizer vaktsınasyn 5 304 adam saldyrǵanyn jazǵan bolatynbyz.