Atyraý oblysynda 26 jastaǵy jigit Oıyl ózenine batyp ketti
ATYRAÝ. QazAqparat – Atyraý oblysynda 26 jastaǵy jigit Oıyl ózenine batyp ketti, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetinen málim etkendeı, oqys oqıǵa búgin, 21 sáýirde Qyzylqoǵa aýdanynda bolǵan.
«Qyzylqoǵa aýdanynda turatyn 1996 jylǵy jigit 21 sáýirde saǵat 15:30-da atpen Oıyl ózenin kesip ótpek bolǵan. Alaıda, ózenniń jaǵalaýyna jete almaı, sýǵa batyp ketken. Búgin, 22 sáýirde saǵat 10:45-te Taısoıǵan aýylynan 15 shaqyrym qashyqtaǵy Oıyl ózeninde sýǵa batqan jigitti izdestirý bastaldy. Іzdestirý jumysyna tótenshe jaǵdaılar departamentiniń 4 qyzmetkeri, jergilikti atqarýshy organnyń 4 qyzmetkeri men jergilikti 10 turǵyn tartyldy», -dep habarlady departamenttiń baspasóz qyzmeti.
Qazir izdestirý jumysy jalǵasyp jatyr.
Eske sala ketelik, budan buryn Atyraý oblysynyń Qyzylqoǵa aýdanynda tótenshe jaǵdaı jarııalanǵanyn habarlaǵan edik.
