Atyraý oblysynda 230 adam bas jáne moıyn qaterli isik aýrýyna shaldyqqan
Onyń aıtýyna qaraǵanda, bas jáne moıyn qaterli isik aýrýy vızýaldy baıqalatyn isikter qataryna jatady. Alaıda, naýqastardyń 60%-y aýrýdyń asqynǵan kezeńinde dárigerdiń kómegine júginedi.
«Jutynǵanda aýyrsyný, tildiń aýyrýy, daýystyń ózgerýi, muryn men tamaqtyń tas turǵandaı bitelýi sııaqty qarapaıym belgiler qaterli aýrýdan habar berýi múmkin. Sol sebepten, osyndaı belgiler baıqalsa, dárigerge kórinip, ýaqytynda arnaıy zertteýlerden ótken durys. Qaterli isikti erte dıagnostıkalaý úshin moıynǵa ÝDZ, MSKT, MRT zertteýleri júrgiziledi. Qaterli dertke kúdik bolsa, bıopsııa alynady», -deıdi Rýslan Brıvkov.
Onyń aıtýynsha, bas jáne moıyn qaterli isiginiń aldyn alý úshin dáriger qabyldaýyna jazylyp, taǵaıyndalǵan zertteýlerden ótý qajet.
«Qazir oblystyq onkologııalyq dıspanserdiń esebinde 4 509 naýqas tur. Onyń ishinde 230 adam bas jáne moıyn qaterli isigine shaldyqqan. Erindegi qaterli ózgeristeri bar – 31, til, aýyz qýysy jáne jutqynshaq aýrýy – 54, silekeı bezi – 1, ańqa, jutqynshaq (jutqynshaq pen muryn qýysynyń qosylǵan jeri) – 1, aýyzaralyq jutqynshaq – 3, qalqansha bezi 5 naýqastan anyqtalyp otyr. Onyń ishinde 19 naýqas emdelýge jatady. Al, 6 naýqas em alý kýrsyn aıaqtady. Ókinishke qaraı, 7 adam emdelýden bas tartty. Qazir 6 adam em alýdy jalǵastyryp jatyr», -deıdi Rýslan Brıvkov.
Eske sala ketelik, buǵan deıin Atyraýda onkologııalyq dıspanserdiń esebinde 4 500 adam turǵanyn jazǵan bolatynbyz.