Atyraý oblysynda 23 jumysshynyń tamaqtan ýlanýy: Qylmystyq is qozǵaldy
ATYRAÝ. QazAqparat – Atyraý oblysynda 23 jumysshynyń tamaqtan ýlanýyna baılanysty qylmystyq is qozǵaldy, dep habarlaıdy QazAqparat.
Buǵan deıin 3 maýsymda «Bazis Construction» jaýapkershiligi shekteýli seriktestiginiń 23 jumysshysy túski astan ýlanyp qalǵan edi.
Olar №2 oblystyq ınfektsııalyq aýrýhanasyna jatqyzylǵan.
«Infektsııalyq aýrýhanaǵa 3 maýsymda saǵat 19:45-te 21 jumysshy, 4 maýsymda saǵat 01:00-de taǵy 2 adam tústi. Aýrýhanaǵa jatqan naýqastardyń bárinde ýlaný belgileri baıqaldy. Naýqastar bas aınalý, qusý, álsizdik jáne dıareıa belgilerine shaǵymdanǵan» dep habarlady densaýlyq saqtaý basqarmasynyń baspasóz qyzmeti.
Jumysshylar kompanııanyń ashanasynda tamaqtanǵan. Aldyn ala qoıylǵan dıagnoz – taǵamdyq toksıkoınfektsııa.
«Atalǵan derekke qatysty QR Qylmystyq Kodeksiniń 304-babynyń 1 bóligimen (Sanıtarııalyq qaǵıdalardy nemese gıgıenalyq normatıvterdi buzý) sotqa deıingi tergep tekserý amaldary júrgizilip jatyr» dep habarlady oblystyq polıtsııa departamentiniń baspasóz qyzmeti.
