Atyraý oblysynda 23 jumysshy túski astan ýlandy
ATYRAÝ. QazAqparat – Atyraý oblysynda 23 jumysshy túski astan ýlanyp qaldy, dep habarlaıdy QazAqparat tilshisi.
Oblystyq Densaýlyq saqtaý basqarmasy baspasóz qyzmetiniń málimetinshe, 3 maýsymda gaz-hımııa kesheniniń qurylysyn júrgizip jatqan «Bazis Construction» JShS-nyń 23 jumysshysy ashanada túski astan ýlanǵan. Olar №2 oblystyq ınfektsııalyq aýrýhanasyna jatqyzylǵan.
«Infektsııalyq aýrýhanaǵa 3 maýsymda saǵat 19:45-te 21 jumysshy, 4 maýsymda saǵat 01:00-de taǵy 2 adam tústi. Aýrýhanaǵa jatqan naýqastardyń bárinde ýlaný belgileri baıqaldy. Naýqastar bas aınalý, qusý, álsizdik jáne dıareıa belgilerine shaǵymdanǵan» - dep habarlady basqarmanyń baspasóz qyzmeti.
Jumysshylar «Bazis Construction» JShS-nyń ashanasynda tamaqtanǵan. Aldyn ala qoıylǵan dıagnoz – taǵamdyq toksıkoınfektsııa.
«Jumysshylarǵa túski asta manpar, burshaq sorpasy, sıyr etinen daıyndalǵan taǵam, qaınatylǵan shujyq, pisirilgen taýyqtyń tós eti, qaınatylǵan qaraqumyq, makaron, qyryqqabat salaty usynylǵan. Olar ýlanýdy túski aspen baılanystyrady», - dep málim etti basqarmanyń baspasóz qyzmetinen.
Eske sala ketelik, budan buryn Atyraý oblysynda 47 adam sýshıden ýlanyp, dámhana jumysy toqtatylǵan bolatyn.
