Atyraý oblysynda 220 myńǵa jýyq adam vaktsınanyń eki komponentin aldy
ATYRAÝ. QazAqparat – Atyraý oblysynda Covid-19 ınfektsııasyna qarsy vaktsınanyń tolyq komponentin 220 myńǵa jýyq adam aldy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlik – 7 qarashada vaktsınanyń І komponentin 162 atyraýlyq turǵyn saldyrǵan.
«Atyraý oblysynda bıylǵy 1 aqpannan 7 qarashaǵa deıin koronavırýs ınfektsııasyna qarsy vaktsınanyń I komponentin 242 618 adam ektirdi. Vaktsınanyń II komponentin 219 724 jergilikti turǵyn aldy. Bul - óńirdegi vaktsına alýshylar tizimine engizilgen turǵyndardyń úshten birin qurap otyr», -dep málim etti basqarmanyń baspasóz qyzmetinen.
Eske sala ketelik, budan buryn Atyraý oblysynda vaktsınanyń І komponentin saldyrǵandar sany 241 myńnan asqanyn habarlaǵan edik.
