Atyraý oblysynda 21 jastaǵy jigit iz-túzsiz joǵalyp ketti
ATYRAÝ. QazAqparat – Atyraý oblysynda 21 jastaǵy jigit iz-túzsiz joǵalyp ketti. Ol mal izdeýge shyqqan, dep habarlaıdy QazAqparat tilshisi.
«Qyzylqoǵa aýdanyndaǵy Tasshaǵyl aýylynyń turǵyny 21 sáýirde saǵat 9:00-de atpen mal izdeýge shyqqan. Biraq, onyń qaı baǵytqa ketkeni áli belgisiz bolyp otyr», - dep málim etti oblystyq tótenshe jaǵdaılar departamentiniń baspasóz qyzmetinen.
Mal izdeýge shyǵyp, iz-túzsiz joǵalǵan jigit úshinshi kún qatarynan izdestirilip jatyr. Ony izdeý búgin, 23 sáýirde saǵat 9:45-te qaıta jalǵasty. Іzdestirý jumystaryna departamenttiń 2 qyzmetkeri jol talǵamaıtyn «Trekol» kóligimen shyqty.
Eske sala ketelik, buǵan deıin Atyraý oblysynda 26 jastaǵy jigit Oıyl ózenine batyp ketkenin habarlaǵan bolatynbyz.
