Atyraý oblysynda 206 myń gektar jer memleket menshigine qaıtaryldy
Atyraý oblystyq jer qatynastary basqarmasynyń basshysy Álibek Ermekqalıdiń málimetinshe, qaıtarylǵan jer telimderi aýyl sharýashylyǵy maqsatynda alynǵanymen, paıdalanylmaı kelgen.
«Byltyr aýyl sharýashylyǵy maqsatynda ıgerilmeı jatqan 201 myń gektar jer anyqtaldy. Onyń ishinde 17 myń gektary shara qoldanýdyń nátıjesinde qaıta ıgerile bastady. Al, 87 myń gektar jer memleket menshigine qaıtarylǵan edi. Bıylǵy on bir aıda 206 gektar, onyń ishinde aýyl sharýashylyǵy maqsatyndaǵy 185 jer ýchaskesi memleketke qaıtarylyp otyr», -deıdi Álibek Ermekqalı.
Onyń aıtýynsha, memleketke qaıtarylǵan jer telimderiniń 190 gektary jaıylymdyq, al 140 gektary shabyndyq alqap retinde berilgen. Jer telimderiniń 15 gektary basqa maqsat úshin alynǵan. Jer teliminiń 120 gektaryn ıeleri óz erkimen qaıtaryp bergen. Qazir jergilikti atqarýshy organdardyń mamandary 97 myń gektar jerdiń ıgerilmeý sebebin anyqtaý máselesin qarap jatyr.
«Atyraý oblysynda jeke turǵyn úı qurylysyn júrgizý úshin jer ýchaskesin alý kezeginde
136 myńnan astam adam kezekte tur. Bıyl jyl basynan 1 003 adamǵa jer ýchaskesi berildi», -dep málim etti Álibek Ermekqalı.
Eske sala ketelik, budan buryn Atyraý oblysynda 165 myńǵa jýyq gektar jer memleket
menshigine qaıtarylǵanyn habarlaǵan bolatynbyz.
