Atyraý oblysynda 2025 jylǵa deıin 48 mektep salynady
ATYRAÝ. QazAqparat. – Atyraý oblysynda 2025 jylǵa deıin 48 mektep salynady, dep habarlaıdy QazAqparat.
Buǵan deıin Atyraý oblysynda 16 eldi mekende aýyz sý jelisi júrgiziletinin jazǵan edik.
Byltyr Atyraý oblysynyń 2025 jylǵa deıingi keshendi damý baǵdarlamasy qabyldanǵan.
«Óńirdiń bilim salasynda úsh aýysymdyq mektepter máselesi tolyq sheshimin tappaǵan. Bul máseleni aldaǵy eki jylda sheshý josparlanyp otyr. Atyraý oblysynyń 2025 jylǵa deıingi keshendi damý baǵdarlamaǵa 48 mektep qurylysyn júrgizý engizilip otyr. Mektepter qurylysy respýblıkalyq, jergilikti bıýdjet esebinen qarjylandyrylady. Qazirdiń ózinde memleket-jekemenshik áriptestigi aıasynda jeke ınvestıtsııamen 2 mekteptiń qurylysy bastaldy. Aldaǵy 2 jylda Atyraý oblysynda úsh aýysymdyq jáne apatty mektepter máselesi tolyqtaı sheshiledi», -deıdi oblys ákiminiń orynbasary Narıman Taýshov.
