Atyraý oblysynda 2018 jyly balyq ótetin eki arna qazylady
ATYRAÝ. QazAqparat - Atyraý oblysynda 2018 jyly balyqtar ótetin eki arna tazartylyp, túbi uńǵylanyp, tereńdetiledi, dep habarlaıdy QazAqparat.
«2018 jyly balyq ótetin eki arnada melıoratıvti sharalardy júzege asyrý kózdelip otyr. Ol uzyndyǵy 131 km bolatyn Jaıyq ózenindegi ıAıtskıı arnasy. Sonymen qatar Reseımen shekaralas Qurmanǵazy aýdanyndaǵy Qıǵash ózenindegi Ganıýshkıno arnasy. Onyń uzyndyǵy 65 km. Melıoratıvti jumystardy júrgizý úshin qajetti jobalaý-smetalyq qujattardy daıyndaýǵa bıýdjetten 65 mln teńge bólingen. Atalǵan qujattar memlekettik saraptamadan ótti. Qazirgi tańda arnany qazatyn merdiger kompanııany anyqtaý úshin tender protsedýralary júrip jatyr»,-dedi Atyraý oblysy ákimdiginiń aýyl sharýashylyǵy basqarmasy jetekshisiniń orynbasary Erbolat Qadymov.
Aıta keteıik, ıAıtskıı men Ganıýshkıno arnalary kóktemde balyqtardyń Kaspıı teńizinen Jaıyq pen Qıǵash ózenine ótetin basty baǵyttary bolyp tabylady. Bul arnalar ondaǵan jyldar boıy tazalanbaı, jaz mezgilinde ol jerden balyq turmaq qaıyqtyń ózi óte almaıtyndaı jaǵdaıǵa jetken.
