Atyraý oblysynda 200 myńnan astam adam vaktsınanyń eki komponentin saldyrdy

ATYRAÝ. QazAqparat – Atyraý oblysynda 200 myńnan astam adam vaktsınanyń eki komponentin saldyrdy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, 11 qazanda 681 adam koronavırýs ınfektsııasyna qarsy vaktsınalardyń І komponentin ektirgen.

«Bıylǵy 1 aqpan men 11 qazan aralyǵyndaǵy kezeńde qaýipti vırýsqa qarsy vaktsınalardyń І komponentin saldyrǵan adamdardyń sany 232 102-ni qurady. Vaktsınalardyń II komponentin 200 248 aldy» -dep málim etti basqarmanyń baspasóz qyzmetinen.

Eske sala ketelik, buǵan deıin Atyraý oblysynda qansha adam koronavırýsqa qarsy vaktsına saldyrǵanyn habarlaǵan bolatynbyz.