Atyraý oblysynda 200-ge jýyq adamnan týberkýlez anyqtaldy
ATYRAÝ. QazAqparat –Atyraý oblysynda bıylǵy jeti aıda 193 adamnan týberkýlez derti anyqtalyp otyr, dep habarlaıdy QazAqparat.
Oblystyq týberkýlezge qarsy kúres dıspanseri dırektorynyń mindetin atqarýshy Serik Ábishevtiń málimetinshe, bıyl týberkýlezge shaldyqqandar sany 20-25 paıyzǵa azaıdy.
«Bıylǵy 7 aıda týberkýlez aýrýy 193 adamnan anyqtalyp otyr. Byltyr osyndaı mezgilde 225 naýqas esepke alynǵan edi», - deıdi Serik Ábishev.
Onyń aıtýynsha, dıspanserde koronavırýsqa shaldyqqandar úshin provızorlyq oryndar qurylǵan. Búginde tósek-oryndar sany 50 paıyz qysqarǵan.
«Dıspanserdegi provızorlyq statsıonardan sońǵy on kúnniń ishinde 30 adam emdelip shyqty. Al, tamyzdan beri provızorlyq kerýet sanyn 50-ge deıin azaıttyq. Qazir 10-ǵa jýyq naýqas em alyp jatyr. Olardyń arasynda jasandy jeldetý apparatyna qosylǵan patsıent joq. Pandemııa jaǵdaıyna qaramastan, dıspanserde josparly em júrgizý protsesi, kúrdeli operatsııalar jasaý jalǵasýda», - dedi ol.
Buǵan deıin habarlaǵanymyzdaı, qazan aıynda oblysta tumaýǵa qarsy vaktsınatsııa bastalady.
