Atyraý oblysynda 2 tonna balyq qyryldy
ATYRAÝ. QazAqparat – Atyraý oblysynyń Qurmanǵazy aýdanynda 2 tonna qarakóz balyǵy qyryldy. Bul týraly Balyq sharýashylyǵy komıteti aqparat taratty, dep habarlaıdy QazAqparat.
«Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri 9 mamyrda reıdtik is-sharalar júrgizý kezinde Qurmanǵazy aýdanynyń
Qurmanǵazy aýylynan shamamen 20 shaqyrym jerde Sharon ózeninen shyqqan jyra aýmaǵyndaǵy qamystar arasynan qarakóz balyqtarynyń qyrylý faktisi anyqtaldy.
Atalǵan aýmaqta qyrylǵan shamamen 2 tonna balyq jergilikti atqarýshy organ jáne Qurmanǵazy balyq ınspektsııasynyń qyzmetkerlerimen jerge kómý arqyly joıylatyn bolady. Qazirgi ýaqytta bul jumysqa aý quraldary, tarnsport pen jumysshy kúshi tartylýda», -delingen komıtet taratqan aqparatta.
Balyqtardyń qyrylýyna Sharon ózenine ór sýynyń kesh kelýine baılanysty balyq shabaqtarynyń aǵysqa qarsy júze almaýy sebep bolýy múmkin. Bul týraly múddeli
memlekettik jáne jergilikti atqarýshy organdar habardar etilgen.
Eske sala ketelik, budan buryn Atyraýda 3 tonnadan astam balyq qutqarylyp, Jaıyq ózenine jiberilgen olatyn.
