Atyraý oblysynda 19 etnomádenı birlestik jumys isteıdi
Atyraý oblystyq Qazaqstan halqy Assambleıasy hatshylyǵynyń meńgerýshisi Gúlmıra Shákirovanyń aıtýynsha, óńirde 19 etnomádenı birlestik jumys isteıdi. Olar jalpyulttyq birlik pen qoǵamdyq kelisimniń damýyna úles qosyp keledi. Qazaqstan halqy Assambleıasy uıymdastyratyn sharalar halyq birligi men beıbitshiliktiń, dostyqtyń nyǵaıýyna baǵyttalǵan.
Qoǵam birliginiń mańyzdy faktory – memlekettik tildi bilý. Sondyqtan, Assambleıanyń oblystaǵy ókildigi osy baǵytta birqatar jumystar atqarýda. Máselen, jastar ulty basqa bolsa da, qazaq tilin úırenýde.
«Bizde ultaralyq arazdyqqa eshqandaı negiz joq. Biraq, ásirese, jastar arasynda túsindirý jumystaryn júrgizý artyq etpeıdi. Ózara qarym-qatynastyń tarıhy tereńde, ony qadirleı bilýimiz kerek. Urpaqtan-urpaqqa jalǵasatyn qundylyqtardyń baǵasyn bilýge tıispiz», -dedi etnomádenı birlestikter jetekshilerimen kezdesýde Mahambet Dosmuhambetov.
