Atyraý oblysynda 181 jumysshyǵa 37,2 mln teńge jalaqy qaryzy óteldi
Oblystyq memlekettik eńbek ınspektsııasy basqarmasy aqparattyq taldaý bóliminiń basshysy Samal Úbiǵalıevanyń málimetinshe, bıylǵy jeti aıda 1002 azamattan shaǵym túsken.
«Basqarmaǵa joldanǵan shaǵymnyń 907-si qaraldy. Sonyń nátıjesinde 146 kásiporyn men mekemege tekserý jumystary júrgizildi. Tekserýdiń qorytyndysymen eńbek zańnamasyn buzýdyń 224 deregi anyqtaldy. Memlekettik eńbek ınspektorlary zańsyzdyqty joıý týraly 96 nusqama berdi. Eńbek kodeksiniń talaptaryn buzǵandarǵa 182 ákimshilik hattama toltyryldy. Osylaısha, 399 jumysshynyń eńbek quqyǵy qorǵalyp, memleket paıdasyna 22,7 mln teńge aıyppul óndirildi. Al, jalaqy bereshegi bar 17 mekemede jumys isteıtin 181 jumysshyǵa 37,2 mln teńge jalaqysy tolyqtaı óndirildi», -deıdi Samal Úbiǵalıeva.
Onyń aıtýynsha, basqarmanyń memlekettik eńbek ınspektorlary azamattardyń eńbek quqyqtaryn qamtamasyz etý úshin 488 túsindirý jumysyn júrgizdi. Áleýmettik jáne eńbek janjaldarynyń aldyn alý, boldyrmaý maqsatynda kásiporyndarda jalaqy tóleýdiń zańdylyǵyna kún saıyn monıtorıng júrgiziledi.
Eske sala ketelik, buǵan deıin Atyraý oblysynda jumysshylarǵa 198,8 mln teńge jalaqy bereshegi ótelgenin habarlaǵan edik.