Atyraý oblysynda 18 naýryzdan beri koronavırýs juqtyrǵandar tirkelgen joq
ATYRAÝ. QazAqparat – Atyraý oblysynda 18 naýryzdan beri koronavırýs ınfektsııasynjuqtyrǵandar tirkelgen joq, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, 17 naýryzda qaýipti vırýsqa 1 adam shaldyqqan. Al, 18 naýryzdan beri koronavırýs ınfektsııasyn eshkim juqtyrmaǵan.
«Qazir óńirdegi ınfektsııalyq statsıonarlarda 6 naýqas emdelip jatyr. Óz úıinde 27 adam em-dom qabyldaý úshin oqshaýlanǵan. Sońǵy birneshe táýlikte koronavırýs ınfektsııasynan qaıtys bolǵandar tirkelgen joq», -dep habarlady basqarmanyń baspasóz qyzmeti.
Atyraý oblysynda byltyrǵy 1 aqpannan beri COVID-19 ınfektsııasyna qarsy vaktsınalardyń I komponentin 269 863 adam ektirgen. Vaktsınalardyń II komponentin saldyrǵandar sany 256 764 adamǵa jetip otyr.
«Byltyrǵy 20 qarashada bastalǵan Rfizer vaktsınasyn alatyn 12-18 jas aralyǵyndaǵy 63 138 jasóspirim bar. Bala emizip otyrǵan jáne júkti áıelder sany – 35 362. Sodan beri Rfizer ekpesin 7 622 adam saldyrdy. Al 97 493 adam qaıta vaktsınalaýdan ótetinder tizimine engizilgen. Revaktsınalaýdy birinshi kezekte dárigerler men polıtseıler, muǵalimder, quqyq qorǵaý organdary men arnaıy mekemelerdiń qyzmetkerleri, memlekettik qyzmetshiler, sondaı-aq, stýdentter men sozylmaly syrqatymen esepte turǵan patsıentter alyp jatyr. Búginge deıin qaıta vaktsınalaýdan 50 999 adam ótti», -dep málim etti basqarmanyń baspasóz qyzmetinen.
Eske sala ketelik, buǵan deıin Atyraýda oblystyq aýrýhanada gemodıalız ortalyǵy ashylǵanyn jazǵan edik.
