Atyraý oblysynda 18 adam úndi shtamyn juqtyryp alǵan

ATYRAÝ. QazAqparat – Atyraý oblysynda «delta» shtamynyń 18 jaǵdaıy anyqtaldy, dep habarlaıdy QazAqparat.

Atyraý oblysynyń bas sanıtar dárigeri Mádenıet Tanaýovtyń aqparatyna súıensek, sońǵy táýlikte tekserýge 43 synama jiberilgen.

«Onyń ishinde 18 synamadan «delta» shtamy anyqtaldy. Óńirde qaýipti vırýs órship turǵanyna qaramastan, ártúrli is-sharany ótkizýdi, oǵan qatysý toqtamaı tur. Jaqynda monıtorıng toby osyndaı 74 is-sharany anyqtady. Bul byltyrǵy osy kezeńde indettiń órshigenin umytqanymyzdy baıqatady. Sondyqtan, qaýipsizdik erejelerin saqtap, vaktsına alýǵa shaqyramyn» -dedi Mádenıet Tanıýov.

Eske sala ketelik, budan buryn Atyraýda koronavırýs juqtyrǵan 24 naýqas jansaqtaý bóliminde jatqanyn habarlaǵan edik.