Atyraý oblysynda 150 qoıymen birge joǵalyp ketken egde jastaǵy adam tabyldy
ATYRAÝ. QazAqparat – Atyraý oblysynda 150 qoıymen birge joǵalyp ketken egde jastaǵy adam tabyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Jylyoı aýdanynda 76 jastaǵy egde adam baǵyp júrgen 150 qoımen birge joǵalyp ketken.
«Jylyoı aýdandyq polıtsııa bólimine 11 aqpanda kúndizgi saǵat 10:35 shamasynda Jem selolyq okrýgindegi sharýa qojalyǵynda jumys isteıtin 76 jastaǵy er adamnyń joǵalǵany týraly habar tústi. Óriske 150 qoıdy baǵýǵa shyqqan egde adam qaıta oralmaǵan. Sol kúni polıtseıler men aýdandyq Tótenshe jaǵdaılar bóliminiń qyzmetkerleri egde jastaǵy adamdy izdeýdi bastady» -dep habarlady departamenttiń baspasóz qyzmeti.
Arada bir táýlik ótken soń Jylyoı aýdandyq polıtsııa bóliminiń ýchaskelik polıtsııa ınspektory Birjan Zınýllın joǵalǵan azamatty 12 aqpanda saǵat 11:00-de «Asan-Ketken» qyrynan tapqan. Sharýa qojalyǵynyń qystaǵynan 15 shaqyrym qashyqtan tabylǵan qarııanyń týystary polıtsııa ınspektoryna alǵysyn bildirdi.
«Shynymdy aıtsam, joǵalǵan qarııanyń týystary alǵys aıtar dep kútken joq edim. Óıtkeni, qınalǵan adamdarǵa qol ushyn sozýdy mindetim dep sanaımyn. Sondyqtan, maqsatym – júrek qalaýymmen tańdaǵan qyzmetimdi, ózime júktelgen mindetti abyroımen jáne adaldyqpen atqarý, -deıdi Jylyoı aýdandyq polıtsııa bóliminiń ýchaskelik polıtsııa ınspektory Birjan Zınýllın.
Eske sala ketelik, budan buryn Atyraýda polıtsııa men qutqarýshylar 30 jastaǵy jigitti izdeýge jumyldyrylǵanyn jazǵan edik.
Illıýstratsııalyq foto
