Atyraý oblysynda 15 páterdi tonaǵan kúdiktiler ustaldy
ATYRAÝ. QazAqparat – Atyraý oblysynyń Jylyoı aýdanynda 15 páterdi tonaǵan kúdiktiler ustaldy, dep habarlaıdy QazAqparat.
Jylyoı aýdandyq polıtsııa bóliminiń qyzmetkerleri 12 naýryzda aýdan ortalyǵy – Qulsary qalasynda jedel is-sharalar júrgizgen.
Іs-shara kezinde páter urlyǵy qylmysyna kúdikti 1995 jáne 1994 jyly týǵan eki turǵyn ustaldy. Olar – Qulsary qalasynyń turǵyndary.
«Tekserý kezinde kúdiktilerdiń Jylyoı aýdanynda tirkelgen 15 páter urlyǵyna qatysy bary anyqtaldy. Sondaı-aq, kúdiktilerden altyn buıymdar men elektrondyq tehnıka tabylyp, tárkilendi» dep habarlady oblystyq polıtsııa departamentiniń baspasóz qyzmetinen.
Qazir ustalǵan kúdiktilerge qatysty QR Qylmystyq Kodeksiniń 188-baby, 3-tarmaǵymen sotqa deıingi tergeý júrip jatyr.
Eske sala ketelik, budan buryn Atyraýda nesıe keńsesin tonaǵan kúdikti ustalǵan bolatyn.
