Atyraý oblysynda 14 otbasy karantınge qaramastan toı ótkizgen

ATYRAÝ. QazAqparat - Qatań karantın bastalǵaly Atyraý oblysynda sanıtarlyq talaptardyń saqtalýyn baqylaıtyn monıtorıng toby kúndelikti reıd júrgizedi, dep habarlaıdy QazAqparat tilshisi oblystyq kommýnıkatsııalar qyzmetine silteme jasap.

11-17 shilde aralyǵynda Atyraý qalasy men jeti aýdanda uıymdastyrylǵan reıd barysynda bir aptada 334 karantın rejımin buzý faktisi anyqtalǵan.

Azyq-túlik dúkeni, kafeler men meıramhanalar tekserilip, turǵyndardyń sanıtarlyq talaptardy oryndamaýyna qatysty 46 fakti tirkeldi. Sondaı-aq, úılerinde adam jınap, jıyn-toı 14 otbasy anyqtaldy. Monıtorıng toby olardyń barlyǵynyń derlik Jylyoı aýdynynda belgili bolǵanyn aıtady.

Eń kóp 187 fakti jeke tulǵanyń talaptardy saqtamaýyna baılanysty anyqtaldy.

Dári-dármek baǵasynyń negizsiz ósýine qatysty da biraz derek bar.

«Atyraý oblysynda dári-dármek baǵasynyń saqtalýyn baqylaıtyn mobıldi top 50-ge jýyq dárihanany tekserdi. Nátıjesinde oblys dárihanalarynda shekti baǵadan asyryp dári-dármek satqandar anyqtaldy. Olarǵa tıisti shara qoldanylady», - deıdi oblystyń bas memlekettik sanıtar dárigeri Sádýaqas Baıǵabylov.