Atyraý oblysynda 14 myńnan astam bala 1-synypqa barady
ATYRAÝ. QazAqparat – Atyraý oblysynda 14 myńnan astam bala 1-synypqa barady, dep habarlaıdy QazAqparat.
Oblystyq bilim basqarmasy basshysynyń orynbasary Aınagúl Dúısekenovanyń málimetinshe, birinshi synypqa baratyn 14 241 balanyń qujaty qabyldanǵan.
«Bıyl 1-synyp oqýshylarynyń qujattaryn qabyldaý jańa formatta – elektrondy úkimettiń saıty arqyly uıymdastyryldy. Qujattardyń 98%-y elektrondy, al, 2%-y qaǵaz túrinde qabyldandy. Óıtkeni, ata-analardyń nemese balalardyń qujattarynda qatelikter anyqtaldy. Oblysta 14 241 bala 1-synypqa qabyldandy. Mektep tabaldyryǵyn alǵash ret attaıtyn oqýshylar úshin 1 qyrkúıekte ashyq aýada sanıtarııalyq-epıdemıologııalyq normalarǵa sáıkes saltanatty jıyn bolady. Balanyń qasynda ata-anasynyń tek bireýi ǵana júre alady. Otbasynyń basqa músheleri qatysa almaıdy» -deıdi Aınagúl Dúısekenova.
Eske sala ketelik, buǵan deıin Atyraýda balalardy sportqa tartý úshin 315 sektsııa ashylatynyn habarlaǵan bolatynbyz.
