Atyraý oblysynda 14 medıtsınalyq emdeý nysany salynady
ATYRAÝ. QazAqparat – Atyraý oblysynda 14 medıtsınalyq emdeý nysany salynady. Bul týraly oblystyq densaýlyq saqtaý basqarmasynyń basshysy Ashan Baıdýálıev málim etti, dep habarlaıdy QazAqparat.
Basqarma basshysynyń aıtýynsha, Atyraý oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyna 14 medıtsınalyq emdeý nysanyn ashý engizilgen. Qazir 4 nysannyń qurylysy bastalǵan.
«Oblystyń densaýlyq saqtaý salasynda 35 mekeme bar. Onda 6 747 medıtsına qyzmetkeri turǵyndarǵy qyzmet kórsetedi. Atyraý qalasyndaǵy «Órken», «Nursaıa» shaǵyn aýdandarynda №4 jáne №5 qalalyq emhanalarǵa qosymsha 250 kelýshini qabyldaıtyn eki qalalyq emhana qurylysyn salý josparlanyp otyr. Emhanalardyń jobalaý-smetalyq qujattary jasaqtaldy. Sonymen qatar, 250 emdelýshige arnalǵan psıhıkalyq densaýlyq ortalyǵy salynady. Onyń qurylys jumystary osy jyldyń 4-toqsanynda bastalady», -deıdi Ashan Baıdýálıev.
Onyń málimetine qaraǵanda, Atyraý qalasynda qurylysy bastalatyn jedel járdem stansasyn 3 podstantsııasymen salý jobasyna túzetý engizilgen. Qazir jańa joba ishki aýdıt departamentinde saraptamadan ótkizilip jatyr.
«Jańa nysanyń qurylysyn 3-toqsandan bastaý kózdelgen. Oblystyq onkologııalyq dıspanser mańynan radıologııalyq korpýs salý josparlanyp otyr. Onyń jobalyq-smetalyq qujatyn daıyndaý qolǵa alyndy», -dep málim etti basqarma basshysy.
Eske sala ketelik, budan buryn Referendým kúni Atyraýda 33 náreste ómirge kelgenin jazǵan edik.
