Atyraý oblysynda 133 adam koronavırýs juqtyrdy
ATYRAÝ. QazAqparat – Atyraý oblysynda ótken táýlikte 133 adam koronavırýs ınfektsııasyn juqtyrdy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetiniń málimetine súıensek, qaýipti indetke shaldyqqan naýqastardyń basym bóligi taǵy da Teńiz kenishinen shyǵyp otyr. Munda 71 jumysshydan koronavırýs belgisi tabylǵan.
«Naýqastardyń 38-i Atyraý qalasynda tirkeldi. Al Jylyoı aýdaynda 5, Qyzylqoǵada – 2, Inderde – 6, Maqatta – 3, Qurmanǵazy aýdanynda 8 adamnan Sovid-19 ınfektsııasy anyqtaldy. Qaýipti indet 36 naýqasta sımptomdy túrde ótýde» -dep habarlady basqarmanyń baspasóz qyzmeti.
Ótken táýlikte koronavırýs ınfektsııasynan 25 adam emdelip shyqqan. Úı jaǵdaıynda 330 adam áli emdelip jatyr.
Al, oblystyq ınfektsııalyq statsıonarda 119, aýdandardaǵy ınfektsııalyq statsıonarlarda 22 patsıent emdelýde. Jylyoı aýdanynda ornalasqan Teńiz kenishindegi ınfektsııalyq statsıonarda 516 adam emdelýge jatqyzylǵan.
Qazir oblystaǵy 1225 oryndyq ınfektsııalyq statsıonardaǵy naýqastardyń úlesi 53,6 paıyzdy qurap otyr.
Eske sala ketelik, budan buryn Atyraý oblysynda eki táýlikte 211 adam koronavırýs juqtyrǵan bolatyn.
