Atyraý oblysynda 132 mektep talshyqty-optıkalyq baılanys jelilerine qosylady
Jıyn barysynda aımaqtaǵy telekommýnıkatsııany damytý perspektıvalary men «Qazaqtelekom» AQ Atyraý oblysyn tsıfrlandyrý máseleleri talqylandy.
Búgingi kúni Atyraý oblysynyń barlyq aýdandary talshyqty-optıkalyq baılanys jelilerine qosylǵan. Keı turǵyndar ǵalamtor jáne tsıfrlyq teledıdar qyzmetterine qol jetkize alady. Aýyldyq eldi mekender 100% telefonmen jabdyqtalǵan.
163 aýyldyń 86-syna TOBJ boıynsha kólik ınfraqurylymy júrgizildi, al qalǵan aýyldarda radıorele jelileri, spýtnık jelisi jáne CDMA-450 radıosy paıdalanyldy.
Osylaısha, Atyraý oblysy óńirler reıtınginde talshyqty-optıkalyq baılanys jelisine qosylý boıynsha birinshi orynda tur.
Buǵan qosa, 2018-2020 jyldarda memlekettik-jekemenshik áriptestik jobasy sheńberinde 16 eldi mekendi talshyqty-optıkalyq baılanys jelilerine qosý josparlanyp otyr.
Kezdesý barysynda taraptar Atyraý oblysy Qurmanǵazy aýdanynyń ǵalamtor jelisine qoljetimdilik jaıyn sóz etti. Búgingi tańda aýdanda 7 myńnan astam halyq turady. Aýdanda telefon jáne CDMA-450 múmkindikteri bar, mektepter men densaýlyq saqtaý mekemeleri spýtnıktik júıeler arqyly jelige qol jetkize alady. Biraq bul aımaqta keńjolaqty ǵalamtordy qosý múmkin bolmaı otyr.
Taraptar sonymen qatar, optıkalyq baılanys jelilerin qurý múmkindigin talqylady. 2019 jyly TOBJ jaqyn jerdegi Batys Qazaqstan oblysy Bókeıorda aýdany arqyly Qurmanǵazy aýdanynyń (shamamen 120 km) iri eldi mekeni Súıindik aýylyna salynýy múmkin.
Budan basqa, Atyraý qalasy jáne oblysyna 11 Mbıt / sek jyldamdyqpen 11 ǵalamtor-servıs ortalyǵyn qosý josparlanýda. Búgingi tańda 8 Halyqqa qyzmet kórsetý ortalyǵynda 8 Mbıt/s qatynasy uıymdastyryldy, bul rette 3 HQKO-da 10 Mbıt/s-ten asatyn jyldamdyq bar.
«Biz oblysta talshyqty-optıkalyq baılanys jelilerin salý boıynsha jumystardy jalǵastyramyz. Aldaǵy basymdyqtardyń biri - eldi mekenderdiń jáne áleýmettik mańyzy bar nysandardyń joǵary jyldamdyqty ǵalamtorǵa qol jetkizýin qamtamasyz etý. Bul másele boıynsha tıisti tapsyrmalar berildi», - dep atap ótti kezdesý barysynda Qýanyshbek Esekeev.
Ǵalamtor qoljetimdiligin jaqsartý úshin telekommýnıkatsııa jelilerin jańǵyrtý jáne damytý boıynsha jumystar júrgizilýde. Kezdesý barysynda taraptar bilim berý, densaýlyq saqtaý, qoǵamdyq qaýipsizdik jáne memlekettik basqarý salasynda tsıfrlandyrýdy odan ári júzege asyrýdyń birlesken josparyn talqylady.
Óz kezeginde oblys ákimi Memleket basshysynyń tapsyrmasyna sáıkes iske asyrylatyn «Tsıfrlyq Qazaqstan» baǵdarlamasynyń mańyzdylyǵyn atap ótti.
«Memleket basshysy Nursultan Nazarbaev birneshe ret atap ótkendeı, bizdiń aldymyzda turǵan basty mindetterdiń biri - tsıfrlyq bólinisti joıý, halyqtyń baılanys qyzmetteri men ǵalamtorǵa qoljetimdiligin qamtamasyz etý. Jergilikti atqarýshy organdar óz tarapynan óńirdiń shalǵaıdaǵy eldi mekenderine baılanys pen ǵalamtordyń barlyq túrlerin ornatýdy qoldaýǵa daıyn» dedi Nurlan Noǵaev.
Taraptar atap ótkendeı, Atyraý oblysynda telekommýnıkatsııa salasyn damytý boıynsha jumystar jalǵasyn tabady.