Atyraý oblysynda 130 myńnan astam bala saýyqtyrý sharalarymen qamtylady
«Memleket basshysynyń Jarlyǵymen jarııalanǵan «Balalar jyly» aıasynda Atyraý oblysynda birqatar is-sharalar júzege asyrylyp jatyr. Bilim jáne ǵylym mınıstrligi men Atyraý oblysy ákimdigi 70-ke jýyq is-sharany qamtıtyn jospar jasaqtady. Jospar aıasynda jyl basynan búginge deıin 40 is-shara ótip, nátıjesinde 55 myńnan astam bala qamtyldy», - deıdi Serik Shápkenov.
Oblys ákiminiń málimetinshe, balalar men jasóspirimderdiń sporttyq sektsııalarǵa, shyǵarmashylyq úıirmelerge tegin barýy úshin jergilikti bıýdjetten 2 mlrd teńge bólingen. Sonyń nátıjesinde 3,5 myń bala qamtylǵan. Endi buǵan qosymsha 2 myń jasóspirimdi qamtý josparlanyp otyr.
Al, jaz mezgilinde demalý jáne saýyqtyrý sharalarymen 130 myńnan astam bala qamtylmaq. Qazir oblysta 1-10 synyptardaǵy oqýshylar sany – 134 500, bul - oqýshylardyń 97 paıyzy.
«Az qamtylǵan otbasylardaǵy jáne ata-anasynyń qamqorlyǵynsyz qalǵan balalardyń jazǵy demalysyn uıymdastyrý maqsatynda Atyraý qalasynyń mańynda 3 lager jasaqtaldy. Reseı Federatsııasynyń aýmaǵynda ornalasqan 1 lagerge 1,5 myń balany jiberý josparlanyp otyr. Atalǵan lagerler 10 maýsymda kelýshilerdiń alǵashqy legin qabyldaıdy. Az qamtylǵan otbasylardaǵy balalar úshin jazǵy demalysqa qosymsha demeýshilik kómek kórsetiledi», - dep málim etti oblys ákimi.
Aıtýynsha, erekshe balalar, turmysy tómen jáne kóp balaly otbasyndaǵy balalar men aýyldyq jerlerdegi oqýshylardyń olımpıadalyq rezerv mektepterinde, lıtseıler men gımnazııalarda sapaly bilim alýyna qoldaý kórsetilip otyr. Osy maqsatta oblysta «Bir pán – bir oqýshy – bir nátıje» jobacy júzege asyrylyp jatyr. Joba nátıjesinde bıyl 46 oqýshyǵa joldama berilgen.
Eske sala ketelik, budan buryn Atyraýda oqýshylar jaz boıy qoǵamdyq kólikte tegin júretinin jazǵan bolatynbyz.
Foto: gov.kz
