Atyraý oblysynda 121 myńnan astam adam vaktsına aldy
ATYRAÝ. QazAqparat – Atyraý oblysynda qaýipti vırýsqa qarsy vaktsına alǵandar sany 121 myńnan asty, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine qaraǵanda, 1 aqpan men 13 shilde aralyǵynda «Spýtnık V», «QazVac», «Hayat-Vax» vaktsınalarynyń I komponentin 121 286 adam ektirgen.
Atalǵan vaktsınalardyń II komponentin saldyrǵandar sany 63 946 adamdy qurap otyr.
«Ótken táýlik – 13 shildede koronavırýs ınfektsııasyna qarsy vaktsınalardyń I komponentin 3 084 adam saldyrdy. Vaktsına alǵandardyń qatarynda 180 pedagog, 85 dáriger, 66 stýdent, 25 memlekettik qyzmetshi, arnaıy mekemelerdiń 18, quqyq qorǵaý organdarynyń 14 qyzmetkeri bar. Sondaı-aq, sozylmaly syrqaty bar 525 patsıent pen jergilikti 2 171 turǵyn vaktsına aldy», -dep habarlady basqarmanyń baspasóz qyzmeti.
Eske sala ketelik, budan buryn Atyraýda vaktsına saldyrǵandar sany 115 myńnan asqan bolatyn.
