Atyraý oblysynda 11 qatty turmystyq qaldyqtar polıgony salynbaq
ATYRAÝ. QazAqparat - Atyraý oblysynda 11 qatty turmystyq qaldyqtar polıgonyn salý josparlanýda. Bul týraly aımaq basshysy Nurlan Noǵaev oblys turǵyndary aldynda eseptik kezdesýde aıtty, dep habarlaıdy QazAqparat.
«Oblysta 2017-2021 jyldarǵa arnalǵan qatty turmystyq qaldyqtardy basqarý jóninde óńirlik baǵdarlama qabyldandy. Búginde oblystaǵy qoqys polıgondarynda 2,3 mln tonna ár túrli qaldyqtar saqtalýda. Ótken jyldyń ózinde 112 myń tonna QTQ jınaldy. Qoqys jınaıtyn jańa polıgondar qurylysy - qajetti jumys», -dedi Nurlan Noǵaev.
Tabıǵat qorǵaý sharalarynyń aımaq úshin mańyzy zor. Ótken jyly oblysta óńir ekologııasyna teris áserdi azaıtýǵa baǵyttalǵan 47 shara ótti. Qarjylandyrýdyń jalpy somasy 4,9 mlrd teńge boldy.
Qazir Atyraý oblysyndaǵy 11 eldimekenge qatty turmystyq qaldyqtar polıgonyn salý josparlanyp otyr.
