Atyraý oblysynda 11,8 mlrd. teńgege 4 joba júzege asyrylady
ATYRAÝ. QazAqparat - Atyraýda ótip jatqan «Global Oil&Gas Atyrau 2017» kórmesine 20 elden kelgen 103 kompanııa qatysýda. Olar Eýrazııalyq ekonomıkalyq odaq, Fınlıandııa, Italııa, Germanııa, Nıderlandy, Shveıtsarııa, Danııa, Túrkııa, Polsha, Horvatııa, Qytaı, Ýkraına, Ázerbaıjan, Izraıl jáne Oman kásiporyndary, dep habarlaıdy «QazAqparat» HAA tilshisi.
«ATYRAU INVEST - 2017» Atyraý oblysy men túrli memleketterden kelgen ınvestorlar arasyndaǵy yntymaqtastyqty damytý men nyǵaıtýdyń tıimdi quraly. Bizdiń óńir birneshe jyldan beri ınvestıtsııa tartý boıynsha aımaqtar arasynda kósh bastap keledi. 2016 jyldyń qorytyndysy boıynsha, ınvestıtsııalar kólemi 2 trln teńgeden asty nemese memleketke tartylǵan jalpy ınvestıtsııanyń 25% qurady. Indýstrııalandyrý baǵdarlamasy aıasynda Atyraý oblysynda 2016 jyly jalpy somasy 2,8 mlrd teńge bolatyn 7 joba júzege asyryldy. 2017 jyly 11,8 mlrd. teńge somasyna 4 jobany paıdalanýǵa berý josparlanǵan. Odan bólek, 14 trln teńgeden astam somaǵa 20 ınvestıtsııalyq jobany júzege asyrý kózdelip otyr. Bul jobalar boıynsha 20 myńnan astam adam jumyspen qamtyldy», - dep málimdedi oblys ákimi Nurlan Noǵaev kórme ashylýynda.
