Atyraý oblysynda 100 mln teńge alıment bereshegi óteldi
«Atyraý oblysynda prokýrorlyq is-sharalardyń nátıjesinde alımentke qaryzy bar jumyssyzdardyń sany azaıyp keledi. Olar jumysqa tartylýda. Bir jyl ishinde bul kórsetkish 2,5 myń adamnan 742-ge deıin tómendedi. Barlyǵy 100 mln teńgeden astam alıment bereshegi tólendi», - deıdi Atyraý oblysy prokýrorynyń aǵa kómekshisi Qanat Qabdolov.
Onyń aıtýynsha, qasaqana alıment tólemeı kelgen azamattar qylmystyq jaýapkershilikke tartylyp jatyr.
«Qurmanǵazy aýdandyq prokýratýrasy 1,9 mln teńge alıment qaryzy bar boryshker A. Ryspaevqa qatysty sotqa deıingi tergeý júrgizdi. Aýdandyq sot Ryspaevtyń bas bostandyǵyn 1 jylǵa shekteý týraly úkim shyǵardy. Al taǵy bir boryshker N. Ajbenov QR QK 139-baby boıynsha qylmystyq jaýapqa tartyldy. Ol búginde 400 myń teńge qaryzyn ótep úlgergen», - deıdi Qanat Qabdolov.