Atyraý oblysynda 100 kelige jýyq bekireni zańsyz tasymaldaǵan er adam ustaldy

ATYRAÝ. QazAqparat – Atyraý oblysynda 100 kelige jýyq bekire tuqymdas balyqty zańsyz tasymaldaǵan er adam ustaldy, dep habarlaıdy QazAqparat.

Oblystyq polıtsııa departamentiniń bastyǵy Nurhat Orazbaevtyń aıtýynsha, «Bekire – 2022» kóktemgi is-sharasy ótip jatyr.

«Іs-sharanyń maqsaty – bekire tuqymdas balyq túrlerin zańsyz aýlap, tasymaldaýǵa jol bermeý. Keshe Isataı aýdandyq polıtsııa bóliminiń qyzmetkerleri «Atyraý-Reseı Federatsııasynyń shekarasy» baǵytyndaǵy tas joldyń boıynda «Datsun» markaly avtokóligin toqtatty. Tekserý kezinde kóliktiń júk salǵyshynan 100 kelige jýyq ​ bekire tuqymdas balyqty tárkiledi. Qazir bekire tuqymdas balyqtardy zańsyz tasymaldaǵan 1979 jylǵy júrgizýshige qatysty QR Qylmystyq Kodeksiniń 339-babynyń 2-bóligi, 5-tarmaǵymen sotqa deıingi tergeý bastaldy», -deıdi Nurhat Orazbaev.

Ózge aqparat Qylmystyq-protsestik kodeksiniń 201-babyna sáıkes jarııalaýǵa jatpaıdy.

Eske sala ketelik, buǵan deıin Atyraý oblysynda destrýktıvti dinı aǵym ókilinen tapansha tárkilengen bolatyn.