Atyraý oblysynda 10 iri ınvestıtsııalyq joba júzege asyrylady
Bul týraly oblys ákimi Mahambet Dosmuhambetovtiń tóraǵalyǵymen ótken Atyraý oblystyq máslıhatyndaǵy «Nur Otan» partııasy depýtattyq fraktsııasynyń jıynynda belgili boldy.
«Tuńǵysh Prezıdent-Elbasy, partııa Tóraǵasy Nursultan Nazarbaev «Nur Otan» partııasynyń 2025 jylǵa deıingi «Ózgerister joly: ár azamatqa laıyqty ómir!» saılaýaldy baǵdarlamasyn oryndaý jónindegi «Jol kartasyn» ázirlep, jarııa túrde qaraýdy tapsyrǵan bolatyn. Atyraý oblysynyń saılaýaldy baǵdarlamasyn iske asyrý jónindegi «Jol kartasy» ázirlendi. Ár baǵyt boıynsha nysanaly ındıkatorlar men merzimder, jaýapty oryndaýshylar belgilendi. Bql «Jol kartasy» qalany, aýdandardy, aýyldy jáne barlyq turǵyndy qamtıdy»,- dedi Mahambet Dosmuhambetov.
Jol kartasynda aımaq turǵyndarynyń tabysyn arttyrý úshin aldaǵy bes jylda 10 iri ınvestıtsııalyq jobany iske asyrý kózdelgen.
«Aýyl sharýashylyǵy salasynda 2 joba bar. Qyzylqoǵa aýdanynda jalpy quny 265 mln teńgeni quraıtyn táýligine 2 tonna sút jáne sút ónimderin óńdeý tsehyn salý, Qurmanǵazy aýdanynan 200 mln teńgelik zamanaýı tehnologııalarmen jabdyqtalǵan balyq óńdeý tsehyn salý josparlanýda», -dedi «Nur Otan» partııasy depýtattyq fraktsııasynyń basshysy Nurlybek Ojaev.
Sondaı-aq, Atyraý qalasynda gaz-hımııalyq kesheniniń qurylysy men Qashaǵan ken ornynyń gazyn óńdeý zaýytynyń qurylys jobalary josparǵa engizilgen.
Eske sala ketelik, budan buryn Atyraýda Indýstrııalandyrý kartasymen 817 mlrd teńgeniń eki jobasy iske qosylatynyn habarlaǵan edik.
